Өг-бүлениң деткимчези - туберкулез аарыын "тиилээр"
| Өг-бүлениң деткимчези - туберкулез аарыын "тиилээр" |
| 20.09.2023 11:12 |
|
Бирээде, өг-бүлениң кежигүннериниң бирээзинде туберкулез аарыы илереттинген болза, дарый эмчиже баар, эмнээшкинни эрте чадазында эгелээри эргежок чугула. Туберкулез – халдавырлыг аарыг болганда, эмчиниң сүмелерин, бижип берген эмнээшкинин сагыыры кол. Ук хемчег аарыгның өг-бүледе өске кежигүннеринче нептереп тарай бээрин болдурбас. Ийиде, аарыг кижиниң чоок улузунуң эң-не кол сорулгазы – эмнээшкин үезинде аарыг кижизин деткиири. Туберкулез аарый берген кижи стресс болгаш дүвүрээзинге алзып, хөй хомудалдыг бооп болур. Өг-бүле ооң сагыш-сеткилиниң дүвүрелин дыңнап билир, сагыш човаашкынын илередип, олче кичээнгейни угландырар. Шак ындыг аарыг улуска сагыш-сеткил деткимчези негеттинер. Бир эвес чугула херек болза, мергежилдиг психолог эмчиге-даа киирип болур. Үште, өг-бүле бодунуң кадыын камнап, кичээнгейлиг, харыысалгалыг болур ужурлуг. Ынчангаш аарыгны таратпазы-биле чогуур хемчеглерни чорудары чугула. Аарыг кижизи аңгы аяс-савалыг, хууда арыг-шевер сагыыр херекселдерлиг болгаш эмчиниң шупту сүмелерин сагыыр. Туберкулез аарыының айыылын чедир үнелевейн барып болбас, чүге дизе ол дээрге, ол шыңгыы эмнээшкин болгаш чоок кижилериниң деткимчези негеттинер берге аарыг. Өг-бүлениң деткимчези - туберкулез аарыын "тиилээр". Бир эвес силер азы силерниң чоок кижиңер туберкулез аарый берген болза, шын арга база сагыш човаашкын аарыг-биле дүрген демисежир болгаш анаа амыдыралче эглип келиринге дузалыг дээрзин утпаңар! База ол ышкаш өг-бүлениң деткимчези аарыг кижиниң эмненип, кадык апаарынга улуг рольдуг дээрзин сагындыраалыңар! #ПротивотуберкулезныйДиспансерТыва |
РФ-тиң Кадык камгалал яамызының НМИЦ ФПИ-ниң директору Ирина Васильеваның сүмелеп турары-биле, туберкулез аарый берген чоок болгаш төрел кижилеринге чогуур кичээнгейни болгаш деткимчени чедирери чугула.