ГБУЗ РТ «Противотуберкулезный диспансер»

Харыы: Туберкулез аараан кижи кончуг улуг харыысалгалыг болур:

- Бирээде, бодун эмнедир сорулганы салып алыр. Аараан улустуң аразында харыысалгалыг, ак сеткилдиг, эки эмнедип турар кижилер база бар. Олар туберкулезтан эмнеттинип алгаш, ажыл-агыйынче эглип, кадык амыдыралдыг чоруур.

- Ийиде, чоок кижилерин бодап, оларның кадыын камгалаар. Ынчангаш боду эмчиге чыдып эмнедир, микробтар чара-дүкпүден читпээн шаанда, бажыңынче чанып болбас.

Бир эвес аарыг кижи бажыңындан эмнежип турар болза, аарыг кижи арыг-шеверни сагыыр, өрээлин агаарладыр, ооң өрээлинге бичии уруглар турбас ужурлуг. Өрээлдиң иштин шык арыглаашкынны чорудар, доктаамал аштап-чуур, арыглаашкында чогуур дезинфекция бүдүмелдерин ажыглаар.

Аарыг кижи тускай дүкпүрер савалыг (плевательница) болур, ол сава албан 2 турар ужурлуг, аастыг бичии шил банка саваларын ажыглап болур. Бирээзи хлораминниг холумакка 12 шак чыдар.

Идик-хевин кадык улус хевинге холувас, аңгы целлофан хапка суп каар. Оларны чуурда, 2% содалыг сугга хайындырар (1литр сугга 1 улуг омааш ишти сода холуп алыр).

Кады турар чоок өг-бүлезиниң кежигүннери чылда 2 катап флюорографияны эртер, күзүн болгаш чазын эмчиге кээп шинчидер, камгалал эмнерни ижер.

Чаныңарда ажык хевирниң өкпе аарыг кижи бар-даа болза, шак бо дүрүмнерни сагып, кылып күүседип турар болза, өг-бүледе өске кежигүннерге аарыг тарап нептеревейн болур.

Бичиивистен тура, кадыывысче улуг сагыштан салыылыңар! Спорттуң янзы-бүрү хевирлери-биле сырый болуп, арыг агаарже үргүлчү дыштанып, чайгы үеде хемге эштип, организмни быжыктыраалыңар!

Кадык болуңар!

#ПротивотуберкулезныйДиспансерТыва
#профилактикатуберкулеза
#вопрос_ответ
#туберкулезизлечим
#айтырыг_харыы