ГБУЗ РТ «Противотуберкулезный диспансер»

Ээлчеглиг профилактиктиг үнүүшкүн Халдавырлыг аарыглар эмнелгезиниң ажылдакчыларынга болуп эрткен. Аңаа Республиканың туберкулезка удур диспансерниң медпрофилактика кабинединиң специализи Инна Седен "Туберкулез дугайында чүнү билип алыры чугулал?" деп лекцияны номчаан. 

Туберкулез аарыы эмнеттине бээр аарыг. Эң-не кол чүүл – эмчилерден аңгыда, аарыг кижиниң эмнедип алыр дээш тура-соруундан дыка улуг хамааржыр. Туберкулез – халдавырлыг аарыг, ынчангаш чанында ажы-төлүн, долгандыр улус аарый бербезин дээш аарыг кижи санитарлыг арыг-силиг чурумун сагыыр ужурлуг.

Сактып алыры чугула чүүл - туберкулезтан камгаланыры дээрге, кадык амыдыралды сагыыры, чылдың-на улуг улус туберкулезка удур флюорография база бичии уруглар туберкулин хыналдаларын эртери. 

Профилактиктиг ужуражылга эки түңнелдиг болуп, "айтырыг-харыы" хевирлиг эрткен. Ажылдакчылар туберкулез дугайында хөй айтырыгларны салып, специалистен долу харыыларны алган. Шак мындыг ажыктыг ужуражылгалар эки дээрзин ажылдакчылар демдеглээн.

Ол ышкаш ажылдакчыларга туберкулез дугайында чогуур медээлиг буклеттерни болгаш плакаттарны үлээн.

#ПротивотуберкулезныйДиспансерТыва
#выездныелекции
#профилактикатуберкулеза