|
 Кадыкшыл чылында кадыкшылче кол кичээнгейни угландырары – эргежок чугула сорулга. Хүн бүрүде кижи мага-ботка ажыктыг сула шимчээшкиннерни, чадаг кылаштаарын, шын чемненилгени чорудар ужурлуг.
Ол дээрге халдавырлыг эвес аарыгларны болдурбазынче угланган программа база хоралыг чаңчылдардан ойталап, кадык амыдыралды чорудары болур.
Ыяап-ла сула шимчээшкиннер кылыр үени аңгылап алыңар! Хөй эвес, 3-5 шимчээшкиннер могап-шылаарын чайладыптар.
Карактарга гимнастиканы база утпаңар! Бо ылаңгыя компьютер-биле колдуунда ажылдап турар ажылдакчыларга ажыктыг.
Шын болгаш үезинде чемненирин кызыдыңар:
- Ногаа болгаш чимис аймаан ажыглаңар
- үнүш клеткаларының даштыкы картының бүткен бүдүмели – клетчатка-биле элбек аъш-чем
- дүрген эвес, а оожум углеводтар ажыктыг.
Аъш-чемни буска, хайындырып, какпактаан (тушение) азы духовкага быжырып белеткеңер.
Фастфуд болгаш чартыкфабрикаттардан ойталаңар.
Хоралыг чаңчылдардан ойталаңар – таакпы, арага аймаа, наркотиктер.
Алкоголь ажылдаар харык-шинекти 16-17% эвээжедир, оон кижи могап-шылаар.
Стресстиг байдалдардан чайлаар:
- даштыгаар агаарлаар
- элээн каш тыныш мергежилдерин кылыр.
Чылдың-на диспансеризацияны эртип ап турарын утпаңар!
Кадыкшылда чүү-даа дүвүретпейн-даа турар болза, эмчиге барбазының чылдагааны эвес. Диспансеризация болгаш профилактиктиг шинчилелдер кандыг-ла-бир аарыгны эрте чадада илередиптеринге дузалыг.
Кадыкшылыңар силерниң боттарыңарның холдарыңарда дээрзин утпаңар!
#ПротивотуберкулезныйДиспансерТыва
#зож
#ГодЗдоровья_в_Туве
#Неделя_популяризации_лучших_практик_укрепления_здоровья_на_рабочих_местах |
Ажылчын олутка кадыкшылды канчаар быжыглаарыл?
