ГБУЗ РТ «Противотуберкулезный диспансер»

Харыы: Өкпе туберкулезунуң чүгле тодаргай хевири халдавырлыг болур. Ооң-биле кады кижи аарый берген соонда, дораан халдавырлыг бактерияларны үндүрбес, чогуур узун хуусаа эртер ужурлуг, чамдык улуста чартык чыл чеде бээр.

Ол үеге чедир өкпеде аарыг элээн тарай берген болур болгаш, аарыгның шынарлары көстүп эгелээр: шагзыраары, могап-шылаары, чөдүртүрү, эъдиниң изии дыка бедик эвес изиири. Ынчалзажок, аарыг кижи шак ол шынарларны туберкулез аарыы кылдыр билбес болур азы үр үе иштинде эскербес.

Пациентилер колдуунда ол шынарларны өске чылдагааннар кылдыр хүлээп алыр, чижээлээрге, таакпылаар кижи, хөй таакпылаарындан чөдүртүп турар деп бодаар азы ажы-төлдүг ажылдап турар ава, шылап турар деп бодаар дээн ышкаш, оон-даа өске.

Кижилерниң хөй нуруузунда орай эмчилерден дуза дилээр. База ол ышкаш сөөлүнге чедир чылдырып кээр улус база турар, чедиишкинниг ажылдакчы улус: олар үезинде эмчилевес, чүгле кажан шуут кадыы дорайтап каарга, эмчилээр.

Оон аңгыда, боттары эмненир улус база бар, олар аарыг боду эрте бээр деп бодал-биле боттары эмненип эгелээр. Ооң түңнелинде аарыгны эмин эрттирип, өске улуска халдавырлыг аппарып болур.

#ПротивотуберкулезныйДиспансерТыва
#профилактикатуберкулеза
#вопрос_ответ
#ГодЗдоровья_в_Туве