Тываның туберкулезка удур диспансерниң автопарыгы чаа шимчеп чоруур флюоромобиль-биле немешкен
Республиканың туберкулезка удур диспансери чаа "КамАЗ" автомашинаның баазазында российжи бүдүрүлгениң ФМцс-ПроСкан деп шимчеп чоруур санныг флюорографтыг комплексти алган. Ук чаа автомашинаны "2022-2025 чылдарда Тыва Республикада туберкулез-биле демисел талазы-биле немелде хемчеглер дугайында" деп Тыва Республиканың регионалдыг программазының иштинде Тыва Республиканың Чазааның республикада туберкулез талазы-биле эпидемиологтуг көргүзүглерни эвээжедир сорулгалыг саткан.
Чаа комплекс ажылдакчыларга радиациялыг ажылды эвээжедир рентгенкамгалалдыг кабиналыг. Ол ышкаш автомашина иштинде эптиг дериг-херекселдер-биле дериттинген - ажылчын олуттуг делгем аңгылаан өрээл, тускай шкафтыг кушетка, чунар-демир, хеп азар аскы база вентиляция системалыг.
Демдеглеп каар чүүл - регионалдыг программаның сорулгалары кылдыр чоннуң туберкулезтан өлүп-хораар чоруун эвээжедири, эмнерге турумчуп өөрени берген туберкулез аарыг улустуң эмнээшкининиң дээштиин бедидери, туберкулезту илередири-биле чоннуң профилактиктиг шинчилелдерин хөйү-биле хаара тудары, а ол ышкаш 0-17 харлыг назылыг уругларны чогуур аргалар-биле профилактиктиг шинчилелдер-биле хаара тудары. Аарыгны эге чадада илередип тодаратканындан үре-түңнелдиг эмнээшкинни магадылап болур.
Чаа шимчеп чоруур флюорограф республиканың кожууннарынче база чедери берге кожууннарже үнүүшкүннерге көрдүнген. Амгы үеде чаа автомашина бүрүткел чорудар ажылды эртип турар.
#ПротивотуберкулезныйДиспансерТыва
#туберкулезизлечим
#проходитефлюорографию
#ГодЗдоровья_в_Туве
