ГБУЗ РТ «Противотуберкулезный диспансер»

Аржаана Ендан, рентгенолог эмчи: "Апрель 21-ден 30-ге чедир Республиканың туберкулезка удур диспансерниң шимчеп чоруур флюоромобильдери Улуг-Хем кожууннуң сумуларының чурттакчы чонун шинчилеп турар. Бо хүнге чедир Иштии-Хемниң, Хайыраканның база Ийи-Талдың чону хөрек шинчилгезин эрткен. Диспансерниң шимчеп чоруур флюоромобильдери республиканың кожуун, сумуларын кезип, чурттакчы чонга таарымчалыг байдалды тургузуп турар, чүге дизе чамдык сумулар кожуун төптеринден элээн ырак черде турар болгаш, кижи бүрүзү төп эмнелгелерже чедип шыдавас болганындан, бистиң автомашиналарда хөрек шинчилгезин эртип алыр аргалыг. Бистиң кол сорулгавыс - аарыгны баш бурунгаар илередип тывар болгаш, эге чадада эмнээшкинни эгелээри болур. Ынчангаш чонувусту чылдың-на эртер ужурлуг хөрек шинчилгезин ыяап-ла үезинде эртип ап турарын дилээр-дир бис".