ГБУЗ РТ «Противотуберкулезный диспансер»

Республиканың туберкулезка удур диспансериниң ренгтен салбырының ажылдакчылары - рентгенологтар, лаборантылар, чылдың-на республиканы кезип, чурттакчыларны тускай көжүп чоруур шинчилел автомашинага рентген шинчилелди эрттирип турар.

Көжүп чоруур ФГ-шинчилелдиң ачызында республиканың булуң бүрүзүнде, ылаңгыя чедери берге кожуун-сумуларның чурттакчылары үе-шаанда рентген шинчилгени эртип алыр аргалыг. Ол ышкаш ыраккы сумуларның улуг назылыг болгаш ырак чер чедип албас чон шинчилгени боттарының суурларынга эртип ап турары эки.

Кыш-чай дивейн, кожуун-суурларның чурттакчылар шинчилеп чоруур коллегаларывыска орук-сууру чиик-чаагай болзун деп, бо хүн, ноябрь 8-те демдеглеп турар Рентгенолог хүнү таварыштыр чедиишкиннерни, кадыкшылды база омакшылды күзедивис!

Байырлалыңар-биле, хүндүлүг коллегаларывыс!