ГБУЗ РТ «Противотуберкулезный диспансер»

Республиканың туберкулезка удур диспансерниң туберкулез аарыын эвээжедир талазы-биле 2022 чылдың түңнелдери-биле ажыл-чорудулгазында эки көргүзүглерлиг. 2021 чылга деңнээрге, туберкулезтуң бациллярлыг черлериниң саны эвээжээн. Ол дээрге, туберкулезка удур албанның демниг ажылы.

Халдавырлыг аарыгларның санын эвээжедир чугула барымдаа – дезинфекция. Эрткен чылдың төнчүзүнде Тываның Баштыңы Владислав Ховалыгның база кадык камгалал сайыды Анатолий Югайның деткимчезиниң ачызында туберкулезка удур диспансер 2 шимчеп чоруур дезинфекция камераларлыг автомашинаны алган.

“Бистиң туберкулезка удур албанның ажыл-чорудулгазынга ийи чаа дезинфекция камералыг машина эргежок чугула, чүге дизе шак ол машиналар чүгле туберкулез үнген черге эвес, а харын-даа өске халдавырлыг аарыгларлыг черлерге түңнел дезинфекцияны чорудар. Биске мурнунда база 2 дезинфекция камеразы турган. Шак ол камералар COVID-19 үезинде чогуур ажылдарны чорудуп турган. Ам немей база ийи машина-камера немешкени эки. Ынчангаш ам оон-даа хөй санныг түңнел дезинфекцияны чорудуп, ажылывыс күштелдирер бис. Бистиң албанның кол сорулгазы – чүгле туберкулез аарыын эвес, өске халдавырлыг аарыгларны база эвээжедири” – деп, улуг эмчи Олег Кара-Монгуш демдеглээн.

Ийи чаа дезинфекция камеразының бирээзи туберкулезка удур диспансерге артып каар, а өскези Барыын-Хемчик кожууннуң ММЦ баазазынга доктаамал ажылдаары-биле турар. Ук камера барыын чүк кожууннарын хаара тудар.

Сактып алыры чугула чүүл – кадыкшыл кижи бүрүзүнүң бодунуң холунда. Бир эвес силер аарый берген азы халдавырлыг аарыг кижи-биле харылзаалыг болган болза, дарый эмчиге барып шинчидер. База ол ышкаш эмчиниң сүмезин хажытпайн, сагыыры чугула.

#ПротивотуберкулезныйДиспансерТыва
#туберкулезизлечим
#проходитефлюорографию
#здоровье

#заключительнаядезинфекция