Чөөн-Хемчик кожууннуң чурттакчылар хөрек шинчилгезин эртип турар
Апрель 14-тен 21-ге чедир Республиканың туберкулезка удур диспансерниң шимчеп чоруур флюорография машиналары Дзун-Хемчик кожууннуң сумуларын кезип, чоннуң хөрек шинчилгезин эрттирип турар.
Бо хүн рентген машиналары Теве-Хая, Бажын-Алаак, Чыргакы, Шеми суурларның чонун хүлээп турар.
Чөөн-Хемчик кожуун соонда, ФГ-машиналар Улуг-Хем кожуунга барып, апрель 22-ден 29-ка чедир ажылдаар дээрзин демдеглеп каалыңар.
Ол ышкаш сагындырып каар чүүл - чыл эгезинден тура, Республиканың туберкулезка удур диспансерниң шимчеп чоруур ФГ-машиналары Тожу, Каа-Хем база Чеди-Хөл кожууннарга чедип, чоннуң шинчилгезин чоруткан. Эрткен неделяда Чаа-Хөл кожуунга ажылдаан.
Кижи бүрүзү чылдың-на хөрек шинчилгезин ыяап-ла чаңгыс катап эртер ужурлуг. Үе-шаанда шинчилге эртип алыры дээрге, кижиниң бодунуң кадыкшылынга харыысалга ол.
Кажан аарыг эрте чадада илереттине берзе, эмнээшкинни дарый үезинде эгелей бээриниң база аарыгдан эмнеттине бээриниң магадылалы улуг. Ынчангаш хөрек шинчилгезин ыяап-ла эртип ап туруңар! Кадыыңар бодуңарның холуңарда!
#ПротивотуберкулезныйДиспансерТыва
#профилактикатуберкулеза
#зож
#туберкулезизлечим
#хостугтын