ГБУЗ РТ «Противотуберкулезный диспансер»

1. Туберкулез эмнеттине бээр бе?

Харыы: Ийе, туберкулез аарыы долузу-биле эмнеттине бээр аарыг. Амгы үеде туберкулезка удур хөй санныг эмнер бар. Аарыгны эмнээриниң кол негелдези – профилактиктиг шинчилээшкиннер аргалары-биле үе-шаанда илередири болгаш аарыг улустуң эмчи дузазын алыры-биле фтизиатр эмчиге эртежик баары.

Туберкулез аарыг кижи эмчиниң бижип бергени эмнээшкинни үе-шаанда долузу-биле алыр ужурлуг. Эмнээшкинде үзүктелиишкиннер турар болза, эмнээри нарыыдай бээр эмнерге турум байдалдыг туберкулез хевиринче шилчий берип болур.

2. Туберкулез аарыг кижи кайы хире үр үе иштинде эмненирил?
Харыы: Туберкулез эмнеттине бээр, ынчалзажок эмнээшкини үргүлчүлелдиг (6 ай болгаш оон-даа хөй) болгаш, туберкулезка удур тускай эмнер-биле эмнээр. Сегип үнер деп бодаар болза, эмчиниң сүмелерин шуптузун сагып, эмнер ижер чурумун үспес – бижип берген эмнерни чаңгыс ол-ла үеде база чогуур санныг ижер.

Бир эвес эмнээшкинни эмчиниң айтып берген үезинден эрте соксап каар болза, азы үзүктеп болгаш чогуур санын сагывас болза, туберкулез палочкаларының өөскүдүкчүзү туберкулез эмнеринге турум байдалдыг бооп болур. А ооң түңнелинде аарыгны долузу-биле эмнээри болдунмас апаар болгаш аарыг оон кезек үе болгаш катап хоочурап, нарын хевирже шилчип, эмнээшкини берге база нарын болур.

Чугула! Бир эвес туберкулез аарыы илереттине берзе, дарый эмчиге барып, эрте дээре эмнээшкинни эгелээри чугула. Эмнээшкинни үе-шаанда эгелээн тудум, аарыгны бүрүнү-биле когун үзе эмнээр магадылал улуг. Кол-ла чүүл – эмнээшкинни үспес, эмчиниң сүмезин сагыыр, бодунуң кадыын база чоок кижилериниң кадыын камнаар!

Кадык болуңар!

#ПротивотуберкулезныйДиспансерТыва
#профилактикатуберкулеза
#зож
#туберкулезизлечим
#хостугтын