ГБУЗ РТ «Противотуберкулезный диспансер»

Бичии уругларның, 14 харга чедир, туберкулез аарыын эртежик илередир сорулга-биле иммунодиагностика чорудар.

Туберкулез аарыы-биле аарый берип болур арга, каҗан Манту пробазы бир дугаарында “кадар” кылдыр демдеглеттингенде, улуг болур. Тодаргайлаарга, Манту салып каан чери кызып, бичии кадыгсымаар апарганда, чок болза хемчээли 5 мм-ден улгады бергенде болур. Бо таварылгада бичии уругга, кадыынга хоралыг көргүзүглер чок болза, дарый химиотреапияны чорудар. Манту пробазы хөй таварылгаларда аарый берген дээрзин илередиптер.

Ам дараазында – туберкулезтуң тускай профилактиказының дугайында чугаа.

БЦҖ вакциназының тарылгазы – туберкулезка удур профилактиктиг кол арга. Вакцинация эрткен уруглар туберкулезтан шуут аарывайн барып болур, чок болза, ол аарыг чиик эртип болур.

Бичии чаш кижи төрүттүнүп кээрге, туберкулезка удур тарылганы албан кылыр ужурлуг, ол тарылга бичии чаштарны бо аарыгдан камгалаарынга улуг салдарлыг.
Туберкулез аарыы эмнеттинип болур аарыг. Эң-не кол чүүл – эмчилерден аңгыда, аарыг кижиниң эмнедип алыр дээш тура-соруундан дыка улуг хамааржыр.
Туберкулез – халдавырлыг аарыг, ынчангаш чанында ажы-төлүн, долгандыр улус аарый бербезин дээш аарыг кижи санитарлыг арыг-силиг чурумун сагыыр ужурлуг.
Халдавырлыг туберкулез аарыглыг кижи өске улуска айыылдыг дээрзин биле тура эмнетпес болза, ону хоойлу езугаар суд таварыштыр күш-биле эмнедир деп шиитпирлеп каарын аарыг кижи бүрүзү билир ужурлуг.

Туберкулезтан камгаланыңар, кадык амыдыралды сагыңар, чылдың-на улуг улус туберкулезка удур флюорография, бичии уруглар туберкулин хыналдаларны эртип туруңар!

#ПротивотуберкулезныйДиспансерТыва
#здоровьедетей
#профилактикатуберкулеза
#Неделя_сохранения_здоровья_детей