ГБУЗ РТ «Противотуберкулезный диспансер»

Туберкулёз дээрге, туберкулез бактериязының өөскүдүкчүзү болур халдавырлыг аарыг. Ооң кол тарадыкчызы аарыг кижи болур.

Делегейниң аңгы-аңгы чурттарының эртемденнериниң херечилеп турары-биле, туберкулез аарыг улустуң 50 хуузу спирттиг суксуннар ажыглап турар азы хоочураан алкоголизм аарыглыг улус болур.

Алкогольду эң-не күштүг хоран-биле деңнээни дөмей. Чүгле ылгалы – алкогольдуң хоралыг салдар-халдавыры дораан эвес илереттинер, а билдинмес кылдыр. Спирттиг суксуннарны доктаамал ажыглаанының уржуундан аараан өскерилгелерге кижиниң организминде чаңгыс-даа система, чаңгыс-даа орган алыспайн барганы барык чок.

Алкогольдуң өкпеге үр үениң дургузунда салдары – чымчак, шөйлүүчел чиик тканы кезек үе болгаш кадыг сорбулуг апаар. Ол ооң соонда эмфиземага, пневмосклерозка, а ол ышкаш организмниң клеткаларының база тканнарының баксыраарынга чедирер.

Шак ынчалдыр, алкоголизм аарыг улустуң организмче аарыг тывылдырар микробтарның киреринден камгалал механизми үрелип, “халдавыр”-биле демисежип камгаланыр арга чок апаар. Ынчангаш алкоголизм аарыг улус болганчок бронхит, пневмония болгаш өске-даа өкпе аарыглар-биле аарый бээр.

Оон аңгыда, организмниң камгалаар күштери хенертен кудулааны багай чемненилге, витаминнер чедишпезинден база туберкулезтуң халдавырынга удурланыры чок чогуур аарыглар күштелдирер. Түңнелинде, аарыг нептерээр.

Хоочураан алкоголизм аарыглыг улустуң кижиниң амыдыралынга айыылды болдурар туберкулезтуң аар хевирлери тыптыр.
Эмчилерниң шупту сүмелерин күүседир болза, туберкулез аарыг улустуң хөй кезии эмнеттинер, безин эмнээшкинниң үре-түңнели ооң үргүлчүлээшкининден база доктаамалындан хамааржыр.

Сактып алыры чугула чүүл – туберкулез аарыг база алкоголизмден аарыг улус спирттиг суксуннарның дугайында шуут уттупканы чугула. Бир эвес кижи боду оон ойталап шыдавас болза, тускай эмнээшкин эрттирери эргежок чугула. Кайы хире эрте эгелээн тудум, түңнелдери эки болур.

Ынчангаш кижи бүрүзү бодунуң болгаш чанында чоок улузунуң кадыкшылын бодап, хумагалыг болуру чугула.

Кадык болуңар!

#ПротивотуберкулезныйДиспансерТыва
#зож
#отказоталкоголя
#Неделя_отказа_от_алкоголя