Главная 32 мөге аразындан шүүлген мөге Тамчы Ондар
32 мөге аразындан шүүлген мөге Тамчы Ондар
19.06.2023 09:07

Эрткен дыштаныр хүннерде Туран хоорайның сыын ажыл-агый чериниң баазазынга Эмчи хүнүнге тураскааткан спартакиада болуп эрткен. Аңаа чыл дургузунда эмнелгелер аразынга эртип турган маргылдааларга тиилелгелиг 1, 2, 3 черлерни ап турган эмчи албан черлери түңнел спортчу хемчегге киржир эргени чаалап алган. Оларның аразында Республиканың туберкулезка удур диспансерниң Таңды кожуунда салбыры "Балгазын" санаторий база кирип турар.

Бүдүн республиканың эмнелгелер организацияларының аразындан 32 мөгениң хүреш маргылдаазынга бодунуң онаан октааш, шүүп үнген мөге Республиканың туберкулезка удур диспансерниң Таңды кожуунда салбыры "Балгазын" санаторийниң таңныылы Ондар Тамчы тиилекчи болган.

Тускай шаңналга - ТР-ниң кадык камгалал сайыды Анатолий Югайның "Чараш девиг" деп шаңналынга Чыргалан Буян төлептиг болган.

#ПротивотуберкулезныйДиспансерТыва
#спартакиада
#ДеньМедицинскогоРаботника