ГБУЗ РТ «Противотуберкулезный диспансер»

- Изиг үеде организмге арага аймаа кандыг хораны чедирерил база организм канчап баарыл – шак бо айтырыгларны сайгарып көрээлиңер. Чайның изиинде арага аймаан ижери шупту улуска айыылдыг. Арага организмни суг чок болдуруп, изиг адыышкыны болу берип болур. Араганы буруу ажыглаары – кадыкка хоралыг.

Улустуң хөй кезиинге, ылаңгыя хоочураан аарыгларлыг улуска, кадыы кошкак, иштиг улуска, уруг эмзирип турар база назы четпээннерге арага ижери хоруглуг.

Изигде организм канчап баарыл?

Кижиниң мага-бодунуң ажылын удуртуп турар ферментилер кижиниң иштики температуразы +36-37,2 °C турда, эки ажылдаар. Кажан температура +40 °С чеде бээрге, шак ол ферментилер үрелип эгелээр. Бир эвес шак ол үени соксатпас болза, кижи өлүп болур. Ынчангаш организм бодунуң иштики температуразын хынамчалыг хынап турар.
Кажан рецепторлар кижиниң кежиниң болгаш организмниң иштинде мээге эмин эрттир изиг апарган деп медээни дамчыдарга, ол сериидедир системаны киирип, хөлүн эрттир изиг аппарганының дугайында айыылды медээлей бээр.

Кештиң эң-не чиңге дамырлары алгый бээрге, деридери күштелип эгелээр. Кеш агаар-биле харылзаалыг болганда, хан ында организмниң иштинде ышкаш изиг эвес болур. Кажан эң-не чиңге дамырлар алгый бээрге, ында чоруп турар хан хөй чылыгны берип турар. Кижиге изиг болган тудум, дер хөй үнер.

Суксаары күштелгени-биле суг үнери эвээжээр. Изигде кижиге таарымча чок болур. Изиг хүнде элээн үр үе дургузунда туруп, эвээш суксун ижер болза, суг курлавыры эвээжээр. Ол үеде баш дескинер, сулараар болгаш хөөн булганыр. Кеш сериин болгаш шык болур, а судал оожургай берзе-даа, дүрген болур. Чамдык улус шак ол үеде тыртып болур.

Ынчангаш арага аймаандан ойталап, кадык амыдыралды чорудары чугула.

#ПротивотуберкулезныйДиспансерТыва
#зож
#профилактика
#отказ_от_алкоголя