ГБУЗ РТ «Противотуберкулезный диспансер»

Харыы:
Кижи кадык, шыырак болур болза, туберкулез палочкалары аарыг тывлдырбас. Чүге дизе кадык кижиниң мага-бодунда дыка хөй камгалакчы клеткалар бар. Олар тыныш органы таварыштыр кирген туберкулез палочкаларын узуткап кааптар, а узуткаттынмаан микробтарны клеткалар долгандыр бүзээлеп алгаш, нептеретпес, өстүрбес. Ынчалза-даа айлар, чылдар эрткенде, кижиниң мага-боду кошкап суларай бергенде, чедингир аъш-чем четпес, аарыг-аржык тыптып, сагыш-сеткил ундараашкынга таварышса, ол микробтар клеткаларны үреп, туберкулезтуң ажык хевири ынчан эгелээр.

Чамдыкта микроб организмче киргенде, дүргени-биле көвүдээш, өкпени үреп эгелээр. Ол дээрге, өкпениң ажык хевириниң туберкулезу болур. А чамдык таварылгаларда, өкпеже кирген микробтар хан-дамыр, суук лимфа таварыштыр кара бүүректерже, сөөк-даякче, чүстерже дамчый бергеш, аңаа аарыгны тывылдырар, шак ол ынчан мээ туберкулезу (менингит), бестер база сөөк туберкулезу тыптып эгелээр.

Кадык болур дизе, кадык амыдыралды чорудуңар, чылда ыяап-ла эртер ужурлуг хөрек шинчилгезин үе-шаанда эртип ап туруңар!

Кадыкшылды күзедивис!

#ПротивотуберкулезныйДиспансерТыва
#профилактикатуберкулеза
#зож
#туберкулезизлечим
#айтырыг_харыы