Харыы: Кажан тыныш органнарынче туберкулезтуң палочкалары кире бээрге, кижиниң мага-боду олар-биле демисежир күш чок апаар. Шак ол үеде кижи аарый берип болур. А кажан кадык кижи өкпе аарыг кижи-биле үр үе дургузунда кады чурттап, ажыглаар аяк-савазы, аъш-чеми кады болза, кадык кижиниң организминиң камгаланыр күштери кошкаай бээр.
Ол ышкаш янзы-бүрү микробтар-биле демисежир тускай шынарларны өске чылдагааннар база кошкадып болур, ол дээрге, сагыш-сеткил ундараашкыны, хөй арага аймаа ижери, таакпылаары, хоолулуг аъш-чемни эвээш азы болзу шуут чивейн турары, хоочураан аарыглар.
Туберкулезтан колдуунда бичии уруглар, элээди уруглар, иштиг-сааттыг херээжен улус база назы-хары улуг улус аарып болур, чүге дизе оларның организми шала кошкак болгаш аарыгларга удурланыр күжү эвээжинден.
Ынчангаш организмни быжыктырып дадыктырары чугула, кадык амыдыралды чорудары, ногаа, чимис, хоолулуг аъш-чем чиири.
Кадыкшылды күзедивис!
#ПротивотуберкулезныйДиспансерТыва
#профилактикатуберкулеза
#зож
#туберкулезизлечим
#айтырыг_харыы