|
 Стресс деп чүл?
Ол дээрге эмоционалдыг согуушкуннарга кижиниң нерв системазының таваржып турарының түңнелинде үр үе дургузунда үргүлчүлеп келген күштүг психологтуг дыңзыгыышкынныг байдал болур.
Аарыгларның барык үштүң ийи кезии стресстиг байдалдарның уржуу-биле тыптып турар болур. Чижээ, ижин-шөйүндү аарыглары, гастрит, артериалдыг гипертензия, стенокардия, миокард инфарктызы, инсульт, дерматозтар, бронхиалдыг астма дээш, оон-даа өске.
Коргуушкуннар, дүвүрээзиннер, уйгу чидери, депрессия дээн ышкаш невротиктиг хажыдыышкыннар база стресстиң түңнели болур. Кандыг-даа хевирниң базыышкыны, албадал, дыңзыгыышкын, күш дөгээри-биле таварышкаш, организм адреналин деп гормону ажылдап үндүрүп эгелээр.
Чүрек согуушкунун дүргедедир, тыныш бачыдадыр, хан базыышкынын бедидер, бүдүмелдер солчулгазын дүргедедир болгаш шыңганнарже хан шилчилгезин күштелдирер, түңнелинде мага-бот «удурланыкчылар»-биле «тулчуушкунче» чүткүп эгелээр.
Амгы шагның кижизи шыңганнарга энергияны чыып алгаш, янзы-бүрү чылдагааннар ужун ону чарыгдавас, а эъттен бүткен халып ышкаш кылдыр кадыр чыып алыр болур.
Мага-бодуңарның кандыг байдалдыын дыңнаалап көрүңер…
…диштериңер ызырнып алган азы ижинниң, оорганың шыңганнары дыңзый берген эвес-тир бе?
Стресстиң езулуг эми – күш-культура, күш чарыгдаар кылдыныглар болур.
Ынчап кээрге стресс-биле чедиишкинниг демисежип болур эвес-тир бе?
Күш чарыгдаар кылдыныглар стресстин гормоннарын күш чок болдурар!
Шыңганнарны суларадыры (релаксация) – стресске удур камгаланыр арга. Ооң ачызында мага-ботка эки талаже өскерлиишкиннер болуп эгелээр.
Релаксацияның аргаларының дараазында хевирин ажыглап өөренип алырын сүмелеп тур бис.
- хөрекче агаарны киир тынгаш, 5-6 секунда дургузунда шыңганнарны чаза дыңзыктырыптар;
- агаарны үндүр тынып тура шыңганнарны суларадыр;
- шак ол сулараашкынче 3-4 катап хөй үе азы 15-20 секунда чарыгдаттынар ужурлуг.
Аянныг оожум аялга ук мергежилгениң күжүн улгаттырар болур.
Дыңзыктырар болгаш суларадырынче эң-не улуг кичээнгейни угландырары чугула.
Шыңганнар суларадыры:
Чудуруктаныптыңар;
Холдарны бурунгаар сунуп, салааларны адыра тудар;
Эгиннерни кулактарга дээштирерин кызыдар;
Хөректи, оорганы ажылдадыры-биле, чарыннарны дээштирип, адырып тургаш шимчениир;
Буттуң салааларын бодуңче чоокшуладыр тыртар;
Ээжектерни шаладан адырып, чода, дөңмектерни ажылдадыр;
Элдепсинип-кайгаан ышкаш кылдыр арынны өскертип, хавакты дырыштырып тургаш, арынның үстүкү кезээн ажылдадыр;
Карактарны хыйырартып, думчукту дырыштырып тургаш, арынның ортаа кезээн ажылдадыр;
Кулактарга чедир хүлүмзүрүп, эриннерни дүрүштүрүп тургаш, арынның адакы кезээн ажылдадыр.
#ПротивотуберкулезныйДиспансерТыва
#зож
#Неделя_сохранения_душевного_комфорта
#здоровье |
СТРЕССТИ АЖЫП ТИИЛЭЭРИ. Чонга сүмелер
