ГБУЗ РТ «Противотуберкулезный диспансер»

Кадык болур дизе арага аймаа болгаш таакпыдан ойталаңар.

- таакпыны бир тыртарга, 1200 хире хоралыг бүдүмелдер үнер, оларның аразында рак тывылдырар канцерогеннер бар. Ол шупту таакпылап турар кижиниң организминче кирип турар.
- таакпылаар кижиниң органнары кислород чогундан доктамал стресстиг байдалга чоруур.
-таакпылаары - тыныш органнарының аарыгларын тывылдырар.
- чөдүл болгаш дүкпү - таакпылаар кижиниң "эштери".
- таакпылаары - бодунуң-на чуртталгазын эвээш дизе-ле, сес чыл кызырып турары.

Таакпы ыжын киир тынып турда, бронхаларның ажылдаары багай апаар. Ооң түнелинде, бронхаларда бүгү-ле таакпы ыжының хоралыг кезектери болгаш микробтары чыылгаш, аарыгларны, ооң иштинде туберкулез аарыын болдурар.

Ынчап кээрге, таакпы тыртары янзы-бүрү аарыгларны тывылдырарынга “дузаны кадып”, өкпе туберкулезун нептередиринге салдарлыг болгаш, ооң эге чадада тодарадып тыварын нарыыдадып, аарыгны улам өөскүдүп, эки эмнээшкинни кошкадып турар.

Туберкулез (чахотка) дээрге, туберкулезтуң микобактерияларын тывылдырып турар, Кохтуң палочкалары дээри, халдавырлыг аарыг. Ынчангаш аарыг нептерээрде, чүгле кижиниң организминде шак ол палочкаларның өзүп көвүдээниниң түңнелинде сайзыраар.

Сактып алыры чугула чүүл – туберкулезка удур демиселде кол чүүл – баш удур хемчеглер болгаш кадык амыдыралды чорудары. Таакпы база кижиниң организминге улуг хораны чедирип турар болганда, оон ойталааны чугула. Кижиниң өкпези дээрге, организмниң өске чугула органнар ышкаш база-ла кол черни ээлеп турары орган. Ынчангаш эң-не кол дүрүм, баш бурунгаар хемчег алыры – аарыг айыылын болдурбас дизе, болдунар-ла айыылды эвээжедири, ооң иштинде таакпы тыртарын база.