ГБУЗ РТ «Противотуберкулезный диспансер»

Бүгү делегейниң туберкулезка удур демисел хүнүнге тураскааткан туберкулез-биле демисел айының иштинде хемчеглерни республиканың девискээринге калбаа-биле демдеглээн.

Таңды кожуунда Республиканың туберкулезка удур диспансерниң салбыры, "Сой" санаторийниң коллективи Туберкулезка удур демисел хүнүн база каас-шинчилиг демдеглээн.

Туберкулез аарыының чаңчылчаан демдээ - ак ромашка чечектер, өңнүг шарлар туткан ажылчыннар болгаш тус черниң күш-ажылчы организацияларның коллективтери байырлыг чыскаалга идепкейи-биле киришкен.

"Бистиң кол сорулгавыс - чонга туберкулез аарыының дугайында тайылбырлап, боттарының кадыынга харыысалгалыг болурун суртаалдап, чогуур хемчеглерни эрттирери болур. Кижиниң бүрүзүнүң кадыы - бодунуң холунда, чүгле бодундан хамааржыр дээрзин утпас болза, эки. Ынчангаш чылда ыяап-ла эртер ужурлуг хөрек шинчилгезин үе-шаанда эрттирип ап турарын кыйгырар-дыр бис" - деп, "Сой" санаторийниң начальниги Амыр-Санаа Самбуу демдеглээн.

#ПротивотуберкулезныйДиспансерТыва
#туберкулезизлечим
#проходитефлюорографию
#дыши_свободно
#Я_здоров
#месячникпротивтуберкулеза