Уругларның кадыкшылынга ажыктыг бөмбүктер
Республиканың туберкулезка удур диспансерниң уруглар салбырының эмчи ажылдакчызы Аяс Ондар Уругларның камгалал хүнүнде эмнелгеде эмнээшкин эртип турар уругларга футбол, волейбол, баскетбол бөмбүктерин белекке берген.
"Эмнелгеде уруглар үр үениң дургузунда эмнээшкин эртип турар болгаш, оларның кадыкшылын быжыктырары-биле шимченгир оюннар база ажыктыг. Чылыг үеде даштын уруглар шөлүнге ойнаары-биле бөмбүктерни белек кылдыр байырлалда бердим. Күш-культура, спорт - кадыкшылдың кол кезээ, а уруглар шимчээшкин чокка шыдавас. Өзүп турар организмге шимченгир оюннар кол рольду ойнаар" - деп, Аяс Ондар демдеглээн.
Шимченгир оюннар уругларның бүгү тала-биле, таарымчалыг сайзыраарынга кол болгаш, кадык амыдыралды тургузары-биле дээштиг арга болуп турар. Оюн үезинде угаан, интеллект, чогаадыкчы бодал, угаан-бодал сайзыраар.
#ПротивотуберкулезныйДиспансерТыва
#ГодЗдоровья_в_Туве
#делайдобро
#ДеньЗащитыДетей
#Неделя_сохранения_здоровья_детей