Тывада T-SPOT.TB аргазы-биле туберкулезтуң иммунологтуг тестизин ажыглап эгелээн
Республиканың туберкулезка удур диспансерде T-SPOT.TB аргазы-биле бир дугаар туберкулезтуң иммунологтуг диагностиказын эрттирген. Арганың кол сорулгазы – туберкулезту тодарадыры.
Шак ынчалдыр, шенелде кылдыр 6 кижиниң анализтерин алган, оларның 4-ү республиканың туберкулезка удур диспансерниң учедунда турар, бир кижи – кадык кижи, база бир кижи туберкулез айтырыында (бадыткал негеттинип турар). Шинчилел чорудары-биле дамырдан хан анализтерин дужааган.
T-SPOT.TB аргазы-биле туберкулезтуң иммунологтуг шинчилелдериниң түңнелдеринде учетта турар дөрт кижиниң анализтери "кадар" болуп бадыткаттынган, кадык кижиниң анализи “казыыр” болган база туберкулез айтырыы турган кижиниң анализи “кадар” болган, тодаргайлаарга, ук кижиниң анализи туберкулезтуң Т-клетказы бар болуп, туберкулез бар болганы бадыткаттынган. Шак ол кижини учетче алган.
Т- SPOT тестиниң эки чүүлдери:
- T-SPOT.TB соксавайн турар (активный) болгаш билдиртпес (латентилиг) туберкулезтуң шинчилгезинге чаңчылчаан өске тестилерге бодаарга, шиңгээттинери бедик (100%) база тускай шынарлыы (98,8%) колдап турар.
- T -SPOT.TB айыылдыг деп санаар бөлүктерге болгаш кежинге тестилер эрттирери таарышпас пациентилерниң туберкулез шинчилгезин эрттирер аргалыг
- T -SPOT.TB назы-харга кызыгаарлыг база шинчилел эрттирери таарышпас чүүлү чок.
Ук тестини дараазында улуска сүмелээр:
• Школа болгаш уруглар садтарынче баар справкалар алыр сорулгалыг, кежинге тест эрттиреринден ойталаар ада-иелиг уругларга
• Туберкулезтуң өкпеден дашкаар хевирлеринде айтырыглыг улуска
• Туберкулез аарыы бедик деңнелде чурттар чораан соонда улуска
• ВИЧ-халдавырлыг улуска
• Туберкулез аарыг улус-биле харылзаалыг улуска
• Иммуносупрессивтиг терапия ап турар улуска: херелдиг (лучевой), цитостатистиг, глюкокортикостероидтиг системалыг, генно-инженерлиг (ФНО-∝ терапия)
• Диализте турар улуска
• Иммунитет кошкадырын болдурар аарыгларлыг улуска (чижээлээрге, чигир аарыы болгаш оон-да өске)
• Эмчи ажылдакчыларынга
• Туберкулез аарыы бедик чурттардан мигрантыларга.
База ол ышкаш немей 5 уругнуң анализтерин алган.
#ПротивотуберкулезныйДиспансерТыва
#профилактикатуберкулеза
#туберкулезизлечим
#зож
#ГодЗдоровья_в_Туве