ГБУЗ РТ «Противотуберкулезный диспансер»

Шораана Монгуш, № 1 өкпе туберкулезунуң терапия салбырының ажыл-агый хайгаараар ажылдакчызы: “Өг-бүлениң үнелиг чүүлү – өгбелерден дамчып келген чараш езу-чаңчылдарны ажы-төлге өөредип чаңчыктырары, улугну улуг деп, бичиини бичии деп хүндүткелеп билир кылдыр кижизидери болур. Улуг өг-бүле дээрге, аас-кежик, өөрүшкү болгаш менди-чаагай-дыр. Орус чоннуң үлегер домаанда сөглээни ышкаш, “Чүнү тарыыр сен, ону алыр сен”, уругларны канчаар өстүрүп кижизидерил, түңнелин бодунга көөр. Ол база бир үнелиг чүүл деп бодаар мен”.

Республиканың туберкулезка удур диспансерниң № 1 өкпе туберкулезунуң терапия салбырының ажыл-агый хайгаараар ажылдакчызы Шораана Монгуш биле Буян Ондарның өг-бүлези улуг. Өг-бүлениң баштыңы Буян амгы үеде Камчаткада ажылдап турар. Олар беш ажы-төлдүг. Улуг оглу Анатолий тускай шериг операциязының девискээринде киржип турар, уруу Чай-суу Тываның күрүне университединде студент, ортун оглу Белек ажылчын, бичии уруу Чайзана 9 класс дооскан база бичии оглу ам 5 классче шилчээн. Улуг уруглары өг-бүлелиг болуп, өг-бүлениң кежигүннери немежип турар.

Ада-ие ажы-төлүн дээди эртем-билиг чедип ап, чуртунуң төлептиг кижилери кылдыр өзүп кээрин, амыдыралынга кызымак, тура-соруктуг, бот-боттарын деткижип чоруур кылдыр күзеп чоруур.

Шораана биле Буянның өг-бүлези ырлааарынга, танцы-самга ынак болгаш, омак-хөглүг.

#Год_семьи2024