"Кадыкшылче 10 000 базым" деп акция найысылалдың улуг-даа, бичии-даа чонун чыгган
| "Кадыкшылче 10 000 базым" деп акция найысылалдың улуг-даа, бичии-даа чонун чыгган |
| 30.09.2024 09:04 |
|
Хемчегниң кол сорулгазы - кадык амыдыралды чорудары, хүнде ыяап-ла 10 000 базымны кылыры, кадыкшылынга харыысалгалыг болуру база чүрек аарыгларын болдурбазы.
"Дыштаныр хүнде чадаг агаарлап, кадыкшылды быжыктырары - кижиниң кол сорулгазы, чүге дээрге кадыкшыл - эң-не үнелиг чүүл. Ылаңгыя олура ажылдап хүнзээр улуска хүнде ыяап-ла чадаг кылаштаары чугула. Хан-дамыр эргилдези, оорга-моюнну шимчедип, безин чадаарда хөөн көдүрүп алыры дыка ажыктыг. Кадышкыл хемчээнде чон хөйү-биле киржип турары дыка эки-дир" - деп, Республиканың туберкулезка удур диспансерниң аарыглар болдурбазы-биле кабинеттиң эмчизи Людмила Ооржак демдеглээн. #ПротивотуберкулезныйДиспансерТыва |
Сентябрь айның сөөлгү улуг-хүнүнде найысылалдың улуг-биче чонунга Кадыкшыл хүнү болган. Ук хүнде "Кадыкшылче 10 000 базым" деп акция хөй чонну чыып, хоорайның оң талазында Дөгээ даанче үнеринче чалаан. Хемчегни Кадыкшыдылга төвү эрттирген.
Республиканың туберкулезка удур диспансерниң ажылдакчылары хемчегге идепкейлии-биле киржип, Дөгээ дааның шыпшык бажынга чедип, кадыкшылын быжыктырган.