ГБУЗ РТ «Противотуберкулезный диспансер»

Республиканың туберкулезка удур диспансерниң Барыын-Хемчик кожуунда салбырының эмчи ажылдакчылары Аясмаа Чыртак-оол биле Мерген Кужугет Ак-Довурак хоорайның С.С.Тамдын-оол аттыг № 1 школазының өөреникчилеринге туберкулез дугайында база аарыгга удур кандыг хемчеглер чорударыл, дүрүмнер сагыырыл дээрзин допчузу-биле чугаалап берген.

Профилактиктиг лекцияны эмчилер республикада чарлаттынган туберкулезка удур айның иштинде чоруп турар хемчег кылдыр эрттирген.

Туберкулез дээрге агаар-дамды-биле дамчыыр халдавырлыг аарыг болгаш кижи бүрүзү арыг-силигни сагыыр, бодунуң кадыын кадагалаар, кадык амыдыралды чорудар дээрзин тайылбарлаан.

База ол ышкаш арыг-силигге хамаарыштыр, аас иштиниң кадыкшылынга харыысалгалыг болурун, диштерни канчаар шын камнап чуурун чугаалап берген. Чүге дизе кижиниң кадыкшылы кадык диштерден хамааржыр.

Школачылар эмчилерден хөй солун медээ алганын демдеглеп, кижи бүрүзү кадыынга харыысалгалыг болуп, спорт, хууда гигиенаны сагыыр ужурлуг деп билип алганын чугаалаан.

#ПротивотуберкулезныйДиспансерТыва
#месячникпротивтуберкулеза
#СТОП_Туберкулез
#Неделя_ответственногоотношениякздоровьюполостирта