ГБУЗ РТ «Противотуберкулезный диспансер»

Туберкулез болгаш таакпылаарының профилактиказы дээрге, чурттакчы чоннуң кадыкшылын камгалаарынга чугула хемчеглер. Ук темага хамаарыштыр Республиканың туберкулезка удур диспансерниң фтизиогинеколог Орлан Суван-оол Кызылдың 5 дугаар гимназияның 10 класс өөреникчилерге лецияны чоруткан. 

Туберкулез аарыын болдурбас дизе база таакпылаарынче сундукпас дизе, кол аргалар бар, ол дээрге:

1. Туберкулезту болдурбас дизе:
- БЦЖ вакцинаны салыр, ылаңгыя уругларга.
- Вакцинаны уруг чаа төрүттүнүп келгенде, бир дугаар неделязында салыр.
2. Аарыгны эрте тодарадыры болгаш эмнээшкин:
- Аарыг улусту илередип тывары-биле доктаамал эмчи шинчилгелерин база флюорографияны чорудар.
- Бир эвес аарыг кижи илереттинген болза, аарыг нептереп таравазы-биле дарый эмнээшкинни эгелээр.
3. Аарыг дугайында медээлээри, чонга тайылбыр ажылын чорудары
- Кадык амыдырал
- Шын чемненилге, хууда арыг-силиг.
4. Таакпыдан ойталаары
- Кадыкшылга таакпының хоразының дугайында медээлер.
- Назы четпээннерге таакпы садарын хоруур.
- Хөй-ниити черлеринге таакпылавас.
- Таакпыдан ойталап, багай чаңчылдан адырлыр эмнээшкин аргаларны ажыглаар.

Орлан Суван-оолдуң демдеглеп турары-биле, туберкулезка удур демиселде кол чүүл – баш удур хемчеглер болгаш кадык амыдыралды чорудары. Таакпы база кижиниң организминге улуг хораны чедирип турар болганда, оон ойталааны чугула. Кижиниң өкпези дээрге, организмниң өске чугула органнар ышкаш база-ла кол черни ээлеп турары орган. Ынчангаш эң-не кол дүрүм, баш бурунгаар хемчег алыры – аарыг айыылын болдурбас дизе, болдунар-ла айыылды эвээжедири, ооң иштинде таакпы тыртарын база.

#ПротивотуберкулезныйДиспансерТыва
#выездныелекции
#профилактикатуберкулеза