Арага аймаа дээрге чүл?
| Арага аймаа дээрге чүл? |
| 24.12.2025 13:30 |
|
Арага аймаа дээрге чүл? Арага аймаа дээрге хоран, наркотик. Кижи аңаа чаңчыга бергеш, ижиксээр, оон адырлып шыдавастай бээр, оон-на амыдыралы будалганы ол. Ооң кижиниң организминге кайы хире улуг хораны чедирип турарын билир бис. Арага аймааның "аспаанче" кирер болза, хоран болуп, кадыкшылды үрээр, угаан-медерелди албаарадыр, дириг амытан чадазынче шилчидип эгелээр. Аңаа алыспас деп бодаар болза, арага аймаан шуут ишпес. Араганың биске чедирип турар багай салдары ону ижип билбезивистен болуп турар. Ынчангаш кижи бүрүзү ону медерелинге сиңирип, бодап чоруур болза эки. |
Алимаа Сүге-Маадыр, Республиканың туберкулезка удур диспансерниң өкпе туберкулезунуң терапия салбырының эргелекчизи: "Араганың кижиге хоразы кандыгыл? Арага аймаа кижилерге улуг хораны чедирип турарын билир бис. Ооң салдарындан чеже кижи өлүп, амыдыралы баксырап, чаш ажы-төлүн хилинчектеп, кем-херек үүлгедип, хосталгазын казыттырып, машина озал-ондаа кылып турар. Арага аймаандан ойталап, кадык амыдыралдыг, аас-кежиктиг чурттаарын кыйгырдым".