ГБУЗ РТ «Противотуберкулезный диспансер»

Азиймаа Соян, клиниктиг психолог: “Туберкулез эмнээшкини дээрге, нарын болгаш үр үениң дургузунда эртери негеттинер орук. Ол чүгле организмниң быжыын хынаар эвес, а сеткил-соруктуң база. Туберкулез деп диагноз – эмнедикчиге ооң амыдыралының шинчизин болгаш сагыш-сеткилинге аар чүък болуп өскерлири болур. Ынчангаш сагыш-сеткил кадыкшылы - чедиишкинниг сегиириниң чарылбас кезээ деп санаттынар”.

Эмнедикчилер кандыг бергедээшкиннерге болганчок таваржырыл?

Салдынган диагнозтан аар “согуг” болгаш стресс.
Коргуушкун болгаш дүвүрел: үр үе дургузунда эмнээшкин, эмчиге чыдары.
Аарыг-биле холбаалыг буруу минниишкини, ыядып човаары, сагыш човаары.
Хөөн чидип муңгараары, депрессиялыг байдал.
Сагышсырааш, уйгу-дыш чидери, чемге хөөн чок болуру.
Чоок улузу-биле, кады ажылдап турар коллегалары-биле харылзаада бергедээшкиннер.

Эмнелгениң спецализи эмнедикчи-биле чүгле сагыш-сеткил үлежип чугаа кылбас, а тургустунуп келген айтырыгларны шиитпирлээринче угланган ажылды чорудар.

Сагыш-сеткилдиң дугайында сагыш салыр болза-ла, аарыгны тиилеп эртеринге дузалаары ол.

Кадык болуңар!

#ПротивотуберкулезныйДиспансерТыва
#профилактикатуберкулеза
#зож
#проходитефлюорографию