ГБУЗ РТ «Противотуберкулезный диспансер»

Туберкулез – кара сагыштыг, чажыт эртер, өске аарыг-биле дөмейлежип, чажыртынып болур аарыг. Эмнээшкинге багай алзыр, а нептерээри дыка дүрген болгаш чиик. Эгезинде бо аарыг кижини чүгле өлүмге чедирип турган болза, үезинде эмнээшкинни эгелээр болза, чайлыг ону тиилеп ап болур. Ынчалзажок, туберкулезту организмче киирбезин кызыдар. А ол дээрге дараазында дүрүмнерни сагыыры чугула:

Кадык амыдыралды чорудары – шын чемненилге, доктаамал күш-культура, эки дыштаныры, таакпы, арага, наркотиктерден ойталаары.

Профилатиктиг эмчи шинчилгелери болгаш флюорографтыг шинчилге эртери. Кажан силерниң организмиңерде туберкулез бар дээрзи илереттине берзе, ук шинчилге орай болу бээр, ынчалза-даа силер эге чадада аарыгны эмнээшкинни эгелээр аргалыг болур силер. Аарыг ханылаваан таварылгада, эмнээшкинни үезинде эгелээри чугула.

Хууда арыг-силиг гигиеназын сагыыры. Үргүлчү бодунга арыг думчук аржыылы азы чаңгыс катап ажыглаар аржыылдар ап чоруур, кажанда-даа өске улус херекселдери, чемненир херекселдер ажыглаваңар!

Бир эвес чаш ажы-төлдүг болзуңарза, чогуур ужурлуг чугула тарылгаларны эрттирип ап туруңар – ол оларның чуртталгазын камгалап болур.

Бажың-балгадыңар арыг-силиг тудуңар. Чүгле туберкулезка удур эвес, а өске-даа аарыгларга удур хемчеглерге бажыңга доктаамал шык арыглаашкын хамаарыжыр. Өрээл иштин албан-биле агаарладыры чугула. Ол ышкаш эң-не кол чүүл – ымыраа-сээк, таракан аймаан узуткаңар, чүге дизе олар туберкулез аарыының нептередикчилери бооп болур.

Үе-шаанда диагностика болгаш туберкулезтуң эмнээшкини база долу эмнээшкин.

Быжыг кадыкшылды Силерге болгаш Силерниң чоок кижилериңерге күзедивис!