Хүндүлүг Тыва чуртувустуң чурттакчы чону база аалчылары! |
03.09.2020 15:07 |
Силерге малчыннарның чараш байырлалы Наадым таварыштыр Республиканың туберкулезка удур диспансериниң коллективиниң мурнундан изиг байыр чедирип тур бис. Наадым дээрге тыва чоннуң мал-маган азырап чоруур көдээ ажыл-агый ишчилериниң байырлалы. Мал – тыва чоннуң шаг-төөгүден бээр азырап, тудуп турар малы. Өгбелеривистиң бурун шагдан бээр көшкүн амыдыралы, мал-маганын ажаап-карактап чорууру бо хүнге чедир кадагалаттынып артып калганы өөрүнчүг. Наадым байырлалының кол маадырлары малчыннар болгаш көдээ ажыл-агый ишчилери. Олар боттарының белен эвес күш-ажылы-биле бистиң амгы шагның Тыва чуртувустуң “дириг” харылзаазын тудуп турар. Бистиң чуртувус бодунуң чонунуң төөгүзү-биле төрээн чуртунга кызыгаар чок ынакшылын болгаш шынчы чоруун боттандырып турар. Мал-маган ажыл-агыйлыглар болгаш көдээ ишчилер бистиң тыва дылывыстың, езу-чаңчылдарывыстың, культуравыстың база амыдыралывыстың камгалакчылары. Хүндүлүг чонувуска, малчыннарывыска, чылгычыларывыска база көдээ ажы-агый төлээлеринге Наадым байырлалы-биле чүгле менди-чаагайны, кадыкшылды, өөрүшкүнү база мал-маганыңар өзүп-мандып көвүдээрин сеткиливис ханызындан күзеп тур бис! Байырлалыңар-биле! |