ГБУЗ РТ «Противотуберкулезный диспансер»

Бүгү-делегейниң кадык камгалал ассамблеязынга 2019 чылдың май 25-те тургусканы Бүгү-делегейниң пациентилерниң айыыл чок чоруунуң хүнүн 2019 чылдың сентябрь 17-де бир дугаар демдеглеп эрттирген. Ук хүннүң кол сорулгазы – пациентилерниң айыыл чок чоруунуң дугайында медээни нептередири база пациентилерниң эрге-ажыын көргүзүп турар пациентилерниң боттарының, оларның төрел-дөргүлүнүң, янзы-бүрү организацияларның ниити ажыл-чорудуун деткиири.

Амгы үеде пациентилерниң айыыл чок чоруунга, чүнүң-даа мурнунда эмчи дузазын көргүзүп турда, частырыгларны болдурбазы база хүлээп ап болгу дег эмчи дузазын көргүзеринге чедир дуза-биле холбашкан таарымча чок таварылгаларның айыылын эвээжедири хамааржыр.

Делегейниң кол специалистериниң демдээ-биле, аңгы-аңгы чурттарда стационар дузаны көргүзүп тургаш, хора чедирери эвээш дизе-ле 10 пациентиге хамааржып болур. Хора чедирери кезек чогумча чок байдалдарның түңнелинде бооп болур, оларның барык чартык кезээн чедиишкинниг баш бурунгаар болдурбайн барып болур. Көскү чижек кылдыр алырга, эмчи иштинге инфекцияның эвээш нептерээринге 55 хуузу холдар гигиеназын чорудуп турары-биле база сагып турары хамааржыр.

2019 чылдың сентябрь 17-де төөгүже кирген “Бүгү-делегейниң пациентилериниң айыыл чок чоруунуң хүнү”-нүң бир дугаар эрттирген эгелээшкининиң үнелиг арга-дуржулгазы, а ол ышкаш пациентилерниң база профессионал ниитилелдиң саналдары чүгле чылдың-на болур хемчеглер эрттиреринге ажыглаар эвес, а харын-даа сонуургалдыг талаларга Россия Федерациязының хамаатыларының кадыкшылын болгаш амыдыралының шынарын, айыыл чок чоруун экижидери-биле чоокку келир үелерде программалар ажылдап кылырынга ажыглаттынарынга бүзүрелдиг.

Ол ышкаш онзалап демдеглеп каар чүүл – кижи бүрүзү, профессионалдарның команда бүрүзү база медицина организациялары бүрүзү боттарының шын болгаш медерелдиг чорудуу-биле эки херекче таарымчалыг болуру – пациентилерниң айыыл чок чоруун сайзырадыр болгаш хандырар.