Бүгү-делегейниң инвалидтер хүнүн декабрь 3-те демдеглээр
| Бүгү-делегейниң инвалидтер хүнүн декабрь 3-те демдеглээр |
| 26.11.2020 13:14 |
|
Байырлалдың сорулгазы – чурттакчы чоннуң кичээнгейин күш-ажыл кылып шыдаар арга-шинээн чидирген улустуң айтырыгларынче, оларның эргелерин, хосталгазын база эки чүүлүн камгалаарынче угландырары. 1976 чылдың декабрь 16-да КНО-нуң Чиңгине Ассамблеязы № A/RES/31/123 резолюция-биле 1981 чылды Бүгү-делегейниң инвалдитер чылы кылдыр чарлаан, а 1983-тен 1992 чылдарны инвалидтерниң он чылы кылдыр. Ооң соонда Консультативтиг чөвүлел кылдыр үндезилеп, лозунгуларны хүлээп, Чорудулга программазын ажылдап кылган. 1982 чылдың декабрь 3-те 90 дугаар пленарлыг хуралы болуп эрткен, аңаа Бүгү-делегейниң инвалидтер хүнүнге кызыгаарлап, ажыл-чорудулганың түңнелдерин үндүрген. Тодарадаттынганы-биле, ук үениң эрткени-биле арга-шинээ кызыгаарлыг кижилерниң байдалы экижип, чурттакчы чоннуң информастыг деңнели көдүрүлген. 2006 чылдың декабрь 13-те КНО-нуң Чиңгине Ассамблеязы № A/RES/61/106 резолюция-биле Инвалидтерниң эргелериниң дугайында конвенцияны хүлээп алган. Чылдың-на байырлал чаа лозунг-биле эртип турар. Бо хүнде концерттер, конференциялар эрттирип турар. Инвалидтер ужуражылгалары болуп турар. Өөредилге албан черлеринге класстан даштаар кичээлдер, беседалар база дискуссиялар организастап эрттирип турар. Медээ алган үндезин: https://my-calend.ru/holidays/den-invalidov |
Чылдың-на декабрь 3-те Бүгү-делегейниң инвалидтер хүнүн декабрь 3-те демдеглеп эрттирип турар. Хемчеглерге күш-шыдал, сенсорлуг, интеллектуалдыг азы психиктиг үрелиишкинниг кижилер киржир. Ук байырлалга кадыының байдалы-биле кызыгаарлыг арга-шинектиг кижилерниң ниитилелге болгаш күрүнениң ниитизи-биле үнелиг киржилгезинге тоомча чок эвес улус база катчып турар.